Аңдатпа
Павлодардағы Ертіс өңірі – тарихы бай, Қазақстан Республикасының ірі өнеркәсіптік және білім орталықтары бар өңір. Аймақтағы музей ісі мәдениет саласында ерекше орны, бірегей тарихы бар сала. Сонау XIX ғасырдың аяғы – ХХ ғасырдың басында Ертіс өңірінде туындаған музей ісіндегі жағдайлар кейіннен осында алғашқы облыстық музейдің құрылуына алып келді. Павлодар қаласындағы музей ісінің дамуына Семей қаласына жер аударылып келген зиялы қауым өкілдері мен облыстың қоғамдық өміріне белсене араласқан жергілікті зиялы қауым өкілдерінің ықпалы зор болды. 1883 жылы облыстық статистика комитетінің оқу-ағарту жұмысы аясында Семейде тұңғыш музей құрылды. Көрнекті зерттеушілердің музей жұмысына қатысуы музейдің даму деңгейінің сапалы өсуіне, оның қорының толықтырылуына және жүйеленуіне әсер етті. Зерттеушілердің бірқатары Павлодарда Ертіс өңірінің аумағында ғылыми зерттеулер жүргізді. Атап айтқанда, Н.Я. Коншинді Павлодар облысының әлеуметтік-экономикалық жағдайы, мәдени жетістіктері, тарихы қызықтырды. Музейдің құрылуы және Императорлық Орыс географиялық қоғамының бөлімшесінің құрылуы қазақ халқының тарихы мен мәдениетін зерттеуге ықпал етті. Семейлік өлкетанушылар қазақ халқының мәдени мұрасын сақтауда елеулі жұмыстар атқарды. Павлодарда алғашқы тарихи-өлкетану музейінің құрылуы стихиялық процесс немесе партия органдарынан шыққан бастама емес, бірқатар өлкетанушылар мен ғалымдардың жүйелі де мақсатты қызметінің нәтижесі. Ғылыми-зерттеу ұйымдарымен және музейлермен ынтымақтасу, білім мен мәдениетті дамыту, өлкетанушылардың басын қосу, тұңғыш ғылыми ұйым – Қазақстанды зерттеу қоғамының Павлодар бөлімшесін құру, осының бәрі біріге келе Павлодар қаласындағы тарихи-өлкетану музейін құруға негіз болды. Павлодарда 1941-1945 жылдардағы Ұлы Отан соғысы кезінде тарихи-өлкетану музейін құру кездейсоқтық емес. Музей жергілікті халықтың патриотизмін оятатын, мәдениет мұрасын насихаттайтын органдардың біріне айналды.
01 Кіріспе
Мақаланың толық мәтіні оң жақ панельде PDF форматында жүктеу үшін қолжетімді.