Аңдатпа
Мақалада 1921-1922 жылдары Орал губерниясындағы ашар-
шылық мәселесі қарастырылған. Өлкеде орын алған саяси, экономикалық,
әлеуметтік жағдайлар сипатталып, аштықтың себептері анықталған.
Зерттеу жұмысында ашаршылықтың зардаптары губерния уездеріндегі
демографиялық өзгерістерді бейнелейтін статистикалық мәліметтер
арқылы толық көрсетілген. Сонымен қатар ашаршылықпен күрестің жүру
барысы, оның нәтижелері зерттелген. Мақалада ашаршылықпен күресу
мақсатында ашылған асханалардың жұмысын көрсетуге көңіл бөлінген.
Әсіресе ашаршылық салдарын жою бойынша құрылған губерниялық, уездік
комиссиялардың қызметі жан-жақты зерделенген. Орал губерниясындағы
ашаршылықпен күрестегі халықаралық ұйымдардың, көршілес
республикалардың көмегіне қатысты тың мәліметтер келтірілген.
Тақырыпты зерттеу барысында архив қорларындағы 1921-
1922 жылдардағы Орал губерниясы бойынша атқару комитеттерінің
ашаршылыққа қатысты есептері, ашаршылық салдарын жою бойынша
губерниялық комитеттердің (Губпоследкомгол) баяндамалары, отандық
және шетелдік ғалымдардың монографиялары, құжаттар мен материалдар
жинақтары, мерзімді басылымдарда жарық көрген мақалалар және тағы
басқа құнды деректер пайдаланылған.
Жүргізілген зерттеу жұмысы тек Орал губерниясындағы ашар-
шылықтың себептерін, салдарын, оны шешудің әкімшілік тәсілдерінің
нәтижелілігін ғана көрсетіп қоймай сол кезеңдегі Қазақстанның басқа
өңірлеріндегі де аштық мәселесін зерделеу бойынша әдіснамалық көмек
көрсетеді.
01 Кіріспе
Мақаланың толық мәтіні оң жақ панельде PDF форматында жүктеу үшін қолжетімді.