ҚАЗАҚ АРХЕОЛОГИЯСЫНДАҒЫ МЕН ТАНЫҒАН ЗЕЙНОЛЛА АҒА БЕЙНЕСІ

Аннотация

Археология ғылымы қазақ жұртына таңсық ғылым болғанмен Әлкей Марғұлан атамыздың есімімен тығыз байланысты екенін көпшілік қауым біледі. Әрине Әлкей Марғұланның ізін жалғастырушы Қазақстан жерінен «Алтын Адамды» тауып әлемге паш еткен, Отырар, Бозоқ шаһарларын ашып зерттеген Кемел Ақышев ағамыз, қола дәуірінің білікті маманы, қазақ халқының этногенезін қола дәуірінен ширата суыртпақтаған Әбдіманап Медеуұлы Оразбаев, сақ мәдениетінің білгір маманы, Орталық Қазақстан жерінен Тасмола мәдениетін ашып зерттеген Мир Қасымұлы Қадырбаев, ежелгі тас дәуірінде қазақ жерінде көне адамдар мекендегенін дәлелдеп, Қаратау жоталарында көптеген тас дәуірінің тұрақтарын ашып зерттеген Хасан Алпысбаев, қимақ-қыпшақ кезеңі мен ортағасырлардағы көшпенділерді зерттеген Сержан Мұсатайұлы  Ақынжанов сынды қазақ археологиясының қара нарлары, үлкен ғалым ағаларымызды тізбектеп айта аламыз.