Ибраева А.Ғ., Мәлікова С.З., Тайшыбай З.С. «ХХ ҒАСЫР БАСЫНДАҒЫ СОЛТҮСТІК ҚАЗАҚСТАН: АЛАШ ЗИЯЛЫЛАРЫНЫҢ ҚОҒАМДЫҚ-САЯСИ ҚЫЗМЕТІ» монографиясына, Ибраева А.Ғ., Мәлікова С.З., Тайшыбай З.С., Темірханова А. «ҚАЗАҚСТАННЫҢ СОЛТҮСТІК ӨҢІРІНДЕГІ АЛАШ ҚОЗҒАЛЫСЫ МҰРАҒАТ ДЕРЕКТЕРІНДЕ» мұрағаттық құжаттар және материалдар жинағына шолу

Аннотация

«ХХ ғасыр басындағы Солтүстік Қазақстан: Алаш зиялыларының қоғамдық-саяси қызметі» атты монографиялық еңбекте Қазақстан тарихындағы Алаш қозғалысының тарихи маңыздылығы, Алаш саяси партиясының және Алашорда үкіметінің Солтүстік Қазақстандағы қоғамдық-саяси қызметі, рухани мұрасы жайында құнды мәліметтер берілген. Солтүстік Қазақстан өңіріндегі Алаш қозғалысының қайраткерлері, олардың қозғалысқа қатысуынан бастап, күрескерлік деңгейге көтерілуі нақты деректік материалдармен, мысалдармен пайымдалған. Сондай-ақ, кітапта Алаш қайраткерлерінің қызметі, олардың қилы тағдыры, қуғын-сүргінге ұшыраған кездегі тергеу істері және сол кезеңдегі саяси мәселелер жайында мол ақпарат қамтылған.